авторы: Гьяжимягьямед Гьяжиев

Табасаран райондин ЦБ-йиъ ужувлахьинди вуйи хайлин дигиш’валар арайиз дуфна. Гьамдихъди сабси Мирзамягьямед Ханмягьямедовичди саб ужуб цIийи хабарра тувнийи: «Республикайин районарин больницйирин арайиъ ихь больницайи урчIвубпи ражну сабпи йишв гъазанмиш гъапIну». Му хабар залиъ деънайидари гурлу гарччлариинди къаршуламиш гъапIнийи.

авторы: Зубайдат Шябанова

Гъи табасаран поэзияйин мяракайиз эсерар, шиърар дикIурайи хайлин жигьилар удучIвура. Шиърарра, дурарин авторарси, чиб-чпиз ухшар дарудар ву. Бязи авторарихъди ич газатдин машариъ учву таниш апIурача. Дурарин гъюзимбу гележег ва дидин кьисмат фициб шулуш, гьеле пуб читин ву. Гьарсар инсандин рюгьнан деринариъ айи гьисс жилин деринариъ айи булагъдиз ухшар ву. Дидиъ поэзия аш-адарш, думу фициб вуш, мялум дар. Чаъ поэзияйин кьувватлу лепйир гьисс апIурайи кас, чан поэзия инсанарин арайиз адабгъуз гьарган чалишмиш шули, дидиз рякъяр агури, бизар дарди, зегьмет зигури гъузиш, дидиз инсанарин юкIварихьна рякъ бихъиди. Шаириз айи заан бахтра гьадму ву.

авторы: Гъазимягьмад Шабалаев

Сяидягьмеддин ляхин нумуна вуйиб асихъ хъайи улупбари шагьидвал апIура. Дугъу Рубасдин мектебдиъ урхурайи баярикан тешкил гъапIу футболин «Рубас» командайи райондин ва республикайин чемпионатариъ 2001, 2004, 2005, 2008-пи йисари гъалибвалар гъадагъну. Дагъустан Республикайин лайикьлу деятель С.Д.Къурбановдиз бахш вуди футболиан гъубху республикайин турнирариъ Сяидягьмедди регьбервал туврайи «Рубас» команда чемпион гъабхьну. 2000-пи йисан РД-йин сабпи йишв бадали гъубху футболин талитнаъ Дербент райондин «Виноградарь» командайи, Сяидягьмед Мислимовдин иштираквал ади, шубубпи йишв гъадабгъну. Думу «Рубас» футболин командайин капитан ва уйнамишарин тренер, юкьяр дисбан спортдин мастер ву. Дугъу тербия туву Нажмудин Хуршидов женгнан самбойиан дюн’яйин йицIиюкьур кIуру чемпион духьна. Гьямза Асланов ва Шамсулла Мислимов юкьяр дисбан спортдиан РФ-йин Яракьлу Кьувватарин чемпионар, Р.Аьбдуллаев ва В.Рамазанов женгнан самбойиан РД-йин чемпионар ву. Гьаму улихьна йигъари Рубасдин кьялан мектебдин 11-пи «б» классдиъ урхурайи А.Сяидовди ва С.Мислимовди юкьяр дисбан спортдиан райондин ва республикайин талитариъ чемпионвал гъадабгъну. 2010-пи йисан 26-пи декабри Самара шагьриъ гъабхьи «Шагьрин ачухъ чемпионат» кчIихбариъ 55 килограмм гъагъ айи спортсменарин арайиъ Зульфикьар Панаховди сабпи йишв гъадабгъну.

авторы: Буньямин Багъдаев

Чечен дявдиъ, урус эскрарна чеченарин дявдин дестйир ктарди, вари халкьарин террористари чеченарин терефнаан Урусатдин Яракьлу Кьувватарихъди женг гъабхури гъахьну. Дурарин швнуб-саб десте пуч гъапIишра, сакьюдар йигъарилан цIийи дестйирихъди дяви гъабхуб алабхъури гъабхьунчуз. Тактикайин тIалабариз гъилигу къайдайиъди узу дюзмиш гъапIу хусуси метлеб айи гьяракатнаъ 27 боевик тIанкь гъапIунча. Зийнар гъахьидарин ва жин гъапIдарин кьадар аьгъю апIру мумкинвалар адайи. Дявдиъ, гьелбетда, кьюбиб терефарианра йихрудар, зийнар гъахьидар шулу.

авторы: Османов Алимагомед, Ханахмедов Абдусалам

Табасаран районарин сяргьятар сатIи шлу йишв’ин, саб аьхю дару, (60 хизантIан цIиб артухъ айи) Табасаран райондин Хьарагъ гъул ерлешмиш дубхьна. Хьарагъ Къужник гъулан администрацияйин гьацI-кьял ву. Ерли агьалйирин гафариинди, гъулан ччвур хьар-хьарагъ-дюрхъ кIуру гафнакан арайиз гъафиб ву. Гъулан ригъ алабхъру терефнаъ хьарар ккайи, дюрхъяр айи ягъли гъарзар ерлешмиш духьна.

авторы: Алиева Феруза

Табиаьтдин газрахъди агьалйир тямин апIбан Программайин бинайиин алди, ккудубшу йисан ерли бюджетдин харжариинди Ургъа ва Ляхла гъулан администрацйирин дахилнаъ айи гъулариз газран линия гъизигну. Багарихьди думу гъуларин агьалйирира газракан мянфяаьт ктабгъиди. Мажвгул, Яракк, Зильдикк ва Гъвандикк гъуларин админстрацйирин гъулариз газ зигбан ляхнар гъизгъинди тамам апIура. Хив райондин имбу гъуларин агьалйир газрахъди тямин ву. Гьамусяаьтна Хив райондин 2200-тIан артухъ хизанари, хайлин карханйирин гъуллугъчйири табиаьтдин газ ишлетмиш апIура.

авторы: Саидова Джамиля

Мягьячгъала шагьрин агьалйир ляхнихъди тямин апIру Центрин агьалйириз ляхин тувбан отделин пишекар, ихь ватанагьли Наргиз Агъабаевайин гафариинди, саб Мягьячгъалайиъ ляхниз ккилигурайи 705 бикар гьисабназ гъадагъна. Мурарикан 70% вузарин дипломар хьайидар ву.

авторы: Гъазимягьмад Шабалаев

Шюше убхьру пич дивру ва шюшдин гъабар адагъру оборудованиейин автоматизированный комплекс гъадабгъуз пландик ка. Дидин проектдин кьимат 815400.0 агъзур манат ву. Гьаму проект уьмриз кечирмиш гъапIиш, 280 аьлава лихру йишвар хьиди ва диди 230362 агъзур манат марцци гъазанж тувди, - кIура Гьялим Исрафиловичди.

авторы: Загиров Субгин

Аьхиримжи йисари узу табасаран чIал ва литература, дагъустан литература кивбиин машгъул духьназа, му дарсарра мектебдиъ урхбан асас предметарикан гьисаб шула. Йислан-йисаз артмиш ва мюгькам шулайи табасаран литература ихь халкьдин гъир’ят, намус ва эдеб ву, хъа табасаран чIал чахъ бикIуб-урхуб хъайи дагъустандин чIаларикан саб ву.

авторы: Алиева Феруза

Медицинайин гъурулушдиъ деетурайи гъалатIар рякъруган ляхин апIуз юкIв кадабтIуру.