Главная » Файлы [ Добавить материал ]

Всего материалов в каталоге: 80
Показано материалов: 61-70
Страницы: « 1 2 ... 5 6 7 8 »

авторы: Зубайдат Шябанова

Илимдин гъуллугъчи ччвурназ илимдин месэлйириин гьякьлуди зегьмет зигурайи кастIан лайикьлу дар. Ав, гъи пулихъди илимдин «деятелар» артухъ шулайивал саризра жиниб дар. Гьаддиз гъи илим гьаму гьялнахъна дуфна. Узу 1998-пи йисан ДГПУ-йин экономикайин теорияйин кафедрайиъ аспирантура ачмиш гъапIунза. Ич аспирантурайиъ 30 аьлим гьязур гъапIунча. Ари гьадму касарихьан гъи чпи заан илмарин мектеб гъурхувалиин дамагъ апIуз ва ачухъди пуз шулу. Думу вахтари докторвалин вая кандидатвалин бегьемди гьязур дарапIу ляхин кьабул апIури шулдайи, я узу сар касдизра пулихъ аьлимвалин ляхин гьязур гъапIур дарза
"Табасарандин нурар" | Просмотров: 708 | Загрузок: 0 | Добавил: Admin | Дата: 11.03.2011 | Комментарии (0)

авторы: Сефижат Кьасумова

Мектебдиъ урхурайиган, йиз аьхюну гъардши летный училищейиъ урхури гъахьну. Узу дугъхъан гьаци дамагъ апIуйзаки, тятIилариз думу гъулаз гъафиган, дугъан шиклариин, апIру ихтилатариин гьяйран шуйза. Гьадмуган узу самолет хъапIрур хьуз кьаст гъапIнийза. Гьяйифки, гъардаш чан пишейихъди ляхин апIуз гъушундар. Дугъхьан абайинна бабан хатур ккибтуз гъабхьундар. Дадайин кIваз уьзур шулу кIури, думу, му пише дипну, жара ляхниин машгъул гъахьну. Хъа узу йиз кIваз тясир гъапIу пише дубгъуз ижмиди кьаст гъапIнийза. Йиз улихьра абйир-бабар, «мягъян» кIури, дийигънийи. Амма, узуз абана баб фукьан ккундушра, йиз гаф заин гъабхьнийи. 1984-пи йисан узу Саратовский областдин Краснокутский летный училищейиъ урхуз учIвнийза. Думу ккудубкIну, 1987-пи йисан направлениейиинди Дагъустандиз гьаънийзу. Гьаддихъан мина ихь аэропортдиъ ляхин апIураза. Сифте АН-2, АН-24, хъасин ТУ-134, ТУ-154 самолетар хъаъри гъахьунза. Йиз сарпи мялим эскадрильяйин командир Жабир Акбарович вуйи.
"Табасарандин нурар" | Просмотров: 711 | Загрузок: 1 | Добавил: Admin | Дата: 11.03.2011 | Комментарии (0)

авторы: Буньямин Багъдаев

Ватандин Аьхю дявдин иштиракчи, аьхюну чве Мусаев Къафур Мурсалович 1906-пи йисан бабкан гъахьну. 1942-пи йисан январилан 1945-пи йисазкьан фашистарихъди дявдин женгариъ, дяви ккудубкIбахъан октябризкьан Советарин Армияйин жергйириъ гъахьну. Дугъаз кьюб ражну – 1944-пи йисан 11-пи январи ва 1945-пи йисан 4-пи апрели - дявдин майднариъ зийнар гъахьну. Дявдин женгариъ улупу гьунариз лигну, 1945-пи йисан 1-пи майди ва 1945-пи йисан 10-пи майди «За Отвагу» медалариинди ва Верховный Главнокоманудющий, Советарин Союздин Маршал Сталиндин терефнаан шубуб ражари чухсагъул мялум апIбиинди лишанлу дапIна.
"Табасарандин нурар" | Просмотров: 729 | Загрузок: 0 | Добавил: Admin | Дата: 26.02.2011 | Комментарии (0)

авторы: Гьяжимягьямед Гьяжиев

Дявдин йигъар кIваин апIруган, Идрис халуйин уларилан нивгъар гъягъюйи, гьаддиз узу йиз суалариинди кьаби инвалид инжик гъапIундайза. Ватандин Аьхю дявдин иштиракчи И.Халимбегов, дявдиъ улупу игитвализ лигну, «Уьру хяд», «Ватандин Аьхю дявдин орден» орденариинди, «Сталинград уьбхювализ лигну», «Будапешт гъадабгъбаз лигну» медалариинди, Верховный главнокомандующий И.Сталиндин терефнаан Гьюрматнан грамотйириинди лишанлу гъапIну.
"Табасарандин нурар" | Просмотров: 822 | Загрузок: 0 | Добавил: Admin | Дата: 26.02.2011 | Комментарии (0)

авторы: Алиева Феруза

Кавказдиъ хизандин багьалувал, марццивал гьар вахтна варитIан заанди бисура. Ав, сар кас фукьан уччвуди мяъли апIуз, тIирхуз, гъагъ хъючIюбхюз чалишмиш гъахьишра, мушваъ успагьивалин кьадар думукьан аьхюб дар, хъа кьюр кас сатIиди тIирхруган, гьяйран шулу. Хъа гъвалахъ вафалу уьмрин юлдаш хьуб варитIан аьхю бахт ву.
"Табасарандин нурар" | Просмотров: 710 | Загрузок: 0 | Добавил: Admin | Дата: 24.02.2011 | Комментарии (0)

авторы: Алиева Феруза

Халачачивал – ихь хизанарин бюджетарин диб зади дебккрайи пише ву.
"Табасарандин нурар" | Просмотров: 735 | Загрузок: 0 | Добавил: Admin | Дата: 24.02.2011 | Комментарии (0)

авторы: Алиева Феруза

Районар ва шагьрар яшайиш ва экономика жигьатнаан артмиш апIбан инвестицйирин Программайин бинайиин алди, ухьухь цIийи мектебар дивувал егин еришариинди гъябгъюра. Гьамусяаьтна Хирижв гъулан бицIидари ва мялимари гьамусдин деврин вари тIалабариз жаваб тувру шараитар айи мектебдиъ аьгъювалар гъадагъура. Хъа Асккан Яракк гъулаъ 216 урхрудариз деъру йишвар ади тикмиш апIурайи мектебдиъ ляхнар аьхирихъна гъюра.
"Табасарандин нурар" | Просмотров: 656 | Загрузок: 0 | Добавил: Admin | Дата: 24.02.2011 | Комментарии (0)

авторы: Гьяжимягьямед Гьяжиев

«Сельсовет Джульджагский» Табасаран райондин аьхюдарстар поселенйирикан саб ву. Душваз ургуб гъул дахил шула: Жулжагъ, Жулжниф, Кьулиф, Ергюлигъ, Ергюнягъ, Хархни, Гьесихъ. Уьмуми гьисабниинди му гъулариъ 420 хизан а, 2400 агьали яшамиш шула. Демографияйин гьял писуб дар – бабкан бицIидар хьувал йислан-йисаз артухъ шула.
"Табасарандин нурар" | Просмотров: 737 | Загрузок: 0 | Добавил: Admin | Дата: 24.02.2011 | Комментарии (0)

авторы: Алиева Феруза

Имамдин хъуркьуваларикан кIуруш, дидин сиягь хайлин ярхиб шула. Думу, 29 кг. гъагънан жюрейилан 69 кг. гъагънан жюрейиинакьан талитариъ иштираквал дапIну, 40-тIан гизаф ражари гъалиб духьна. Аьхиримжи йисари гъазанмиш гъапIу хъуркьуваларикан гъулхиш, Имамди улихьнаси Каспийск шагьрин Аь.Аьлиевдин ччвурнахъ хъайи спортдин Дараматдиъ гъушу талитариъ Дагъустан Республикайин чемпионвалин ччвур гъазанмиш гъапIну.
"Табасарандин нурар" | Просмотров: 648 | Загрузок: 0 | Добавил: Admin | Дата: 21.02.2011 | Комментарии (0)

авторы: Гьяжимягьямед Гьяжиев

Дагъустан Республикайин шагьрариан ва гъулариан му конкурсдиъ 18 библиотекарь иштирак гъахьнийи. Дурарин арайиъ ихь ватанагьли, Табасаран райондин ЦБС-дин методист Багьарат Ильясова айи. Конкурсдиз дугъу чан эсерар адагънийи: «Юлдаш» прогимназияйин гимн», «Ккуни уьлке» авторвалин мяъли. Багьаратдин эсерар конкурсдин иштиракчйириз ва жюрийиз гизаф кьабул гъахьнийи. Конкурсдин жюрийин председатель, Дагъустандин писателарин Союздин председателин заместитель Марина Аьгьмедовайи гьамци гъапнийи: «Б.Ильясовайин эсерар имбударихьан тафавутлудар ву. Дугъу учв неинки ужур библиотекарси, хъа гьацира бажаранлу шаирси улупну. Чан шиърар устадвалиинди урхубра дугъан заанвал ву».
"Табасарандин нурар" | Просмотров: 743 | Загрузок: 0 | Добавил: Admin | Дата: 21.02.2011 | Комментарии (0)

1-10 11-20 ... 41-50 51-60 61-70 71-80