[ Новые сообщения · Участники · Правила форума · Поиск · RSS ]
Страница 1 из 11
Модератор форума: dashkkyar 
Форум » Разделы форума » Культура » ЧIал халкьдин девлет ву!
ЧIал халкьдин девлет ву!
dashkkyarДата: Четверг, 24.01.2013, 23:03 | Сообщение # 1
Группа: Модераторы
Сообщений: 269
Статус: Оффлайн
Мажлиснаъ РАН-дин ДНЦ-йин директор, филологияйин илмарин доктор, профессор Мягьямед Мягьямедов, илимдинна литературайин Институтдин научный руководитель, РАНдин академик Гьяжи Гьямзатов, РД-йин милли политикайин, мялуматарин ва чIатан аьлакьйирин министрин заместитель Зикрула Ильясов ва хайлин жара аьлимар иштирак гъахьнийи.

Мажлис М.Мягьямедовди ачмиш гъапIну. «ХХ-пи аьсрин 20-пи йисари милли чIалариз чпин артмиш’валин рякъюъ хайлин читинвалар алахьну. Ихь республикайиъ дурар анжагъ 30-60-пи йисари яркьуди артмиш хьуз хъюгъну. Думуган лап саб бицIи вахтна дурар литературайин чIаларин дережайиз за гъахьну ва вари милли чIалариинди китабар, урус ва дагъустан чIаларин словарар, журналар, художествойин литература, районарин, шагьрарин, республикайин газетар чапдиан удучIвуз хъюгъру.

80-90-пи йисари милли чIаларихьна вуйи государствойин маракьлувал саки дубгуз хъюбгъну. Мектебариъ бабан чIалариз туврайи дарсар цIиб апIуз, милли газетарин ва журналарин тиражар цIиб хьуз, чап апIурайи китабар пул айи тешкилатарикан, девлету ксарикан асиллу хьуз хъюгъну. Мидланна гъайри, саб бязи хизанари, чпи-чпихъди улхруган, бабан чIалнахьна вижнасузвал улупури, урус чIалниинди улхру дюшюшар гизаф шули гъахьну. Жигьилар, чпи-чпихъди гюрюшмиш гъахьи вахтна, гьеле-меле бабан чIалниинди улхури амдар. Бабан чIалнахьна вуйи гьамциб саймазсузвалин натижайиъ саб бязи миллетарин вакилар бабан чIалниинди чап апIурайи литературайин эсерарин ва газетарин макьалйирин гъавриъ даршули духьна.

Гъийин йигъаз Дагъустандин халкьарин милли чIаларин гьякьнаан Къанун кьабул дапIнадар. Натижайиъ литературайин милли чIалар, цIибтIан машгьур дару, бегьемди чIал аьгъдру шаирари ва писателари литературайин чIаларихьан ярхла нугъатариинди яратмиш апIура, чIалназ аьхю зарар тувбан дюшюшар арайиз гъюра. Дагъустандин милли чIаларикан хайлиндар урусатдин халкьарин чIаларин Уьру китабдиз гъадагъна. Думу чIаларин гьисабнаъ агъул, андий, арчи, ахвах, багвали, ботIлих, рутул, цIахур, къубачи ва жара чIалар а. Милли чIалар гьарсаб халкьдин рюгьлувалин аьхю девлет ва ядигар ву. Думу девлет уьбхюб, дерин ва девлетлу апIуб гьарсар касдин чан пак буржи вуйиб кIваълан гьархну ккундар», - гъапIну М.Мягьямедовди.

Милли чIалар уьрхювал – му гьарсаб халкьдин культура уьбхюрайиб гьисаб ву. Му месэла республикайин бязи министерствйириз, гьадму гьисабнаан милли политикайин, мялуматарин ва чIатан аьлакьйирин, образованиейинна илимдин министерствйириз, государствойин политика дубхьну ккунду. Амма, гьяйифки, республикайин образованиейин ва илимдин министерствойи милли чIаларин улихь дийигънайи месэлйир гьял апIбан гьякьнаан саб артухъ гъайгъу зигурадар. Меген гъийин йигъаз Дагъустандин милли чIалариинди я мектебариз вуйи, ясана дурариз хас толковый словарар чап дапIну адрували гьаму ляхнин гьякьнаан шагьидвал апIурадарин?


«Диндин асулар шубуб - Иман, Ислам, Суннат ву»
 
Форум » Разделы форума » Культура » ЧIал халкьдин девлет ву!
Страница 1 из 11
Поиск: