| Главная » Файлы » "Табасарандин нурар" | [ Добавить материал ] |
Спорт сагъламвалин бина ву
| 22.04.2011, 22:37 | |
| авторы:Алиева Феруза Хив райондин бицIидаринна живанарин мектебдин директор Рамазан Назарялиевдин гафариинди, аьхиримжи йисари дурари чпин ляхин РУО-йин, жигьиларин ляхнариз лигру отделин руководителарихъди аьлакьалуди тешкил апIура. Спортдин серенжемар гъахруган ЦРБ-йин, РОВД-йин гъуллугъчйирра иштирак шула. Гьаму сяаьтна Хив райондиъ спортдин кьюб мектеб, спортдин йирхьуб зал ляхник ка. Мидланна савайи, бицIидаринна живанарин спортдин мектебдин филиалар 13 гъулаъ ляхник ка. Кккудубшу йисан райондиъ спорткомплекс ачмиш гъапIну. Душвариъ 700-тIан артухъ жигьилар а. Хив ДЮСШ-дин гъулариъ ачмиш дапIнайи филиаларикан улхури, Рамазан Назарялиевди Хирижв гъулаъ спортдин ляхин заан дережайиъди кIулиз адабгъурайивал къайд гъапIну. Хирижв гъулаъ спортдин филиалин тренер Маркс Гюльмягьямедов райондиъ машгьур, бажаранлу тренер ву. Му гъулаъ спортдин филиал 2000-пи йисланмина ляхник ка. - Гьамусяаьтна учухь спорт уйнамиш апIурайи 32 жигьил а. Ич жигьилар жюрбежюр спортдин уйнамишар гъахбиин машгъул ву. Дурарикан кIулиндар вуди юкьяр дисуб, волейбол, гъагъи атлетика ва гь.ж. улупуз шулу. «Хивский район» МО-йин администрацияйи, учуз спорт улихьна гъабхуз кюмекар туври, хайлин алатарихъди тямин дапIнача. Гьамусяаьтна ич залиъ борцовский ковер, тросс, турник, боксервалин шубуб груша, швнуд-сад жут боксерарин бегьлийир, 8 пара гантелар ва спортдин хайлин жара алатар а. Жикъи гафариинди, ич зал алатарихъди ужуди тяминди ву. Му ляхниъ гъулан айитIра спортдин уйнамишар гъахуз зегьмет зигури шулча. Ич жигьилар спортдиин юкIв алидар ву. БицIидарин кьюб десте тешкил дапIнача, бицIину яшарин живанар йигъ гъидипури спортдиин машгъул ву, – гъапи Маркс Гюльмягьямедовди. - Хиржварин мектебдиъ спортдин уйнамишар гъахурайи спортсменар райондин, республикайин чемпионар духьна. Дурарин арайиъ Дагъустандин чемпион Имам Гюльмягьямедов ва хайлин жарадар улупуз шулу. Му хъуркьувалар, икибаштIан, лайикьлу зегьмет зигурайи тренер Маркс Гюльмягьямедовдин гьунар ву. | |
| Просмотров: 996 | Загрузок: 0 | | |
| Всего комментариев: 0 | |