Главная » Файлы » "Табасарандин нурар" [ Добавить материал ]

Сарпи пягьливан
28.06.2011, 23:25
Июндин 11-12-пи йигъари Избербаш шагьриъ РД-йин спортдин Министерствойи тешкил гъапIу 35 ва думутIан артухъ яшар духьнайи спортдин ветеранарин арайиъ пчIу атлетикайиан Дагъустандин чемпионат гъабхьну. Думу талитариъ республикайин вари шагьрариан ва районариан сумчIуртIан артухъ спортдин ветеранарин командйир иштрак гъахьну, гьадму гьисабнаан Табасаран райондин командара.
Табасаран райондин командайиз дахил шулайи Демиркъяя Къягьриманов кьюб жюрейин талитариъ иштирак гъахьну (диск гатIабхьбаан ва ядро гатIабхьбаан) ва кьюби жюрйириан сабпи йишвар гъазанмиш гъапIну. Д.Къягьриманов гъизилин кьюб медалин, кьюб сабпи дережайин Дипломарин ва кьиматлу пешкешарин сагьиб гъахьну.
Къайд апIуз ккундузузки, думу машгьур спортсмен улихьна йисари пчIу атлетикайиан РФ-йин чемпион ва Европайин талитариъ швнуб-саб ражну приздин йишвар гъазанмиш гъапIур ву.
«Авгъустдин 20-пи йигъан Казань шагьриъ спортдин ветеранарин арайиъ пчIу атлетикайиан Россияйин чемпионат хьибди, думу талитариъра иштирак хьуз ният айиз», - гъапнийи Д.Къягьримановди ич гюрюшдиъ.
Гьелбетда, дугъан хъуркьувалариин ухьу гьарган гизаф шад вухьа ва ихь пягьливниз думу талитариъра 1-пи йишв гъазанмиш апIуз кьувват хьуб ккун апIурхьа.
Категория: "Табасарандин нурар" | Добавил: Admin
Просмотров: 698 | Загрузок: 0 | Комментарии: 1 | Рейтинг: 0.0/0
Всего комментариев: 1
avatar
1 Шамиль • 20:44, 22.07.2012
Думу кас йиз жаргъбан тренер вуди гъахьну. Узу дугъан сагъвал ккун ап|ураза
avatar