Главная » Файлы » "Табасарандин нурар" [ Добавить материал ]

Живанарин аьхю хъуркьувалар
15.05.2013, 21:59

  Аьхиримжи йисари спортдин рякъюъ ихь ватанагьлийири гъазанмиш апIурайи хъуркьуваларикан «Табасарандин нурар» газатдин машариъ сикин дарди бикIурача. Дугъриданра, ихь бязи живанарин удукьувалар гьюрматназ ва тярифназ лайикьлу ву. Дурариин ухьу вари шад вухьа.
   2012-пи йисан Къяякент райондин Первомайское гъулаъ ихь республикайин живанаринна бицIидарин спортдин мектебариъ урхурайидарин арайиъ хилар ккивбаан талитар кIули гъушну. Душваъ Хив райондин спортсменарира иштираквал гъапIну. Талитариъ ЗахитI гъулан ДЮСШ-йиъ урхурайи Малик Асланбеговди (65 кг) 1-пи йишв ва Хив ДЮСШ-йиъ урхурайи Сяид Вердиевди (50 кг) 2-пи йишв гъазанмиш гъапIну.
   Му хъуркьувалар гъадагъбаз лигну, думу жигьилариз РД-йин спортдин Министерствойин терефнаан тялукь дережйирин дипломар ва медалар тувну.
  Дирбаш спортсменариз гележегдиъра уьмрин ва спортдин рякъюъ хъана заан хъуркьувалар, мюгькам сагъвал ккун апIурхьа.

Феруза Аьлиева

Категория: "Табасарандин нурар" | Добавил: Admin
Просмотров: 683 | Загрузок: 0 | Рейтинг: 0.0/0
Всего комментариев: 0
avatar