| Главная » Файлы » "Табасарандин нурар" | [ Добавить материал ] |
Ватандин ад дабгъурайи кьягьялар
| 06.09.2012, 23:11 | |
автор:Алиева Феруза Табасаран халкьдин бажаранлу
жигьиларин арайиъ вари Урусатдиъ багъри Ватандин ад дабгъуз гъитрайи
кьягьяларра а. Гъийин макьалайиъ узуз ихь халкьдин маракьар Урусатдин
Ивановский областдиъ уьрхюрайи Аьгьмад ва Рамазан Мазановарикан улхуз
ккундузуз.
Аьгьмад ва Рамазан Мазановар лап бицIиди амиди чпин яркьу уьмриз рякъяр табигъ апIуз хъюгъну. Дурарин абйир-бабар Хив райондин ГъуштIил гъул,ан ву ва гьамусяаьтна Ивановский областдин Тейково шагьриъ яшамиш шула. Асас аьгъювалар ва тербия гъадабгъбалан савайи, кьюрид живанарра юкьяр дисбиин, самбойиин ва дзюдойиин машгъул ву. Аьгьмадди гьамусяаьтна 9-пи классдиъ урхура. Спортдиин машгъул шули, саки 2008-пи йислан мина гъалибвалин ва пешкешнан йишвар гъазанмиш апIура. Гьаци, Аьгьмад Мазановди 2008-пи йисан Тейково шагьриъ самбойиан кIули гъушу ачухъ талитариъ сабпи йишв, 2009-пи йисан Иваново шагьриъ самбойиан гъубшу ачухъ турнириъ 3-пи йишв гъазанмиш гъапIну. 2010-пи йисан тялукь турнирариъ 2-пи ва 3-пи йишвар гъидисну. 2010-пи йисан Ивановский областдин Шуя шагьриъ дзюдойиан гъубху ачухъ турнириъ 2-пи, хъа 2011-пи йисан сабпи йишван сагьиб гъахьну. Думуган жигьил бай областдин физический культурайинна спортдин Комитетдин терефнаан Гьюрматнан Грамотйириинди лишанлу гъапIну. Аьгьмад регионарин арайиъ тешкил апIурайи турнирариъра хъуркьувалиинди иштирак шула. 2010-пи йисан дзюдойиан регионарин арайиъ гъубху «Лизи пеленг» ччвур тувнайи ХIV-пи турнириъ дугъу 2-пи йишв гъибисну. Думу турнир Кострома шагьриъ гъабхьну. Улихьна йигъари дугъу Урусатдин гъуларин ва бицIи шагьрарин жигьиларин арайиъ гъубху турнириъ гьадму шагьриъ 3-пи йишв гъазанмиш дапIна. Ккудубшу йисан Тейково шагьриъ живанарин арайиъ самбойиан тешкил гъапIу регионарин арайиъ вуйи турнириъ дугъу 2-пи йишв гъибисну. Аьгьмадди, самбойиан Владимир Сушковдин Кубок бадали вари Урусатдин живанарин «Йиз уьмур – сяргьятар» ччвур тувнайи турнириъ иштирак духьну, пешкешнан йишв гъадабгъну. Гъуллугънан вазифйир тамам апIури, игитвалиинди уьмриан гъушу полицияйин лейтенант Д.А.Бабашовдин гьюрмат уьбхбаз тялукь вуди самбойиан тешкил гъапIу вари Урусатдин турнириъ жигьили 2-пи йишв гъибисну. Самбойиан ва дзюдойиан гъазанмиш гъапIу хъуркьувалариз лигну, Аьгьмад Ивановский областдин спортдин ва туризмйин Департаментдин терефнаан Гьюрматнан Грамотайиинди лишанлу дапIна. Аьгьмаддин бицIину гъардаш Рамазанра кьяляхъ гъузрадар. 2009-пи йисан дугъу, Кинешма шагьриъ 1997-2000-пи йисари бабкан гъахьи живанарин арайиъ самбойиан кIули гъубху, Тейково шагьриъ 32 кг. гъагъишин айи живанарин арайиъ тешкил гъапIу ачухъ турнирариъ, Тейково, Приволжск ва жара шагьрариъ гъуху талитариъ иштирак духьну, пешкешнан йишвар гъазанмиш дапIна. Хъа 2011-пи йисан Кострома шагьриъ регионарин арайиъ «Лизи пеленг» лишниккди кIули гъуху дзюдойин талитариъ ва самбойин чпин багъри шагьриъ тешкил гъапIу талитариъ дугъу гъалибвалар гъадагъну. Гъардшар Мазановар хайлин Гьюрматнан Грамотйириинди, медалариинди, кубокариинди лишанлу дапIна. Амма дурарин арайиъ варитIан багьалу, асас йишв «Красная пресня» Приволжский ювелирный завод» тешкилатдин терефнаан вуйи пешкешди бисура. Дупну ккундуки, жигьилари улупнайи хъуркьувалар дурарин тренер В.И.Донникдин лайикьлу зегьметнан, албагу, мюгькам хизандиъ туврайи тербияйин натижа ву. Фикризкьан гъюрдар, вушра дарпиди гъитуз шулдар, дурарин абана-баб Малик ва Марина Иваново шагьриъ кIули гъубху «Ужубсиб хизан» конкурсдиъ иштирак гъахьну. Натижйири юкIв артухъси шад апIуру. Урусатдиъ тешкил гъапIу конкурсдиъ табасаран хизанди гъалибвалин сабпи йишв гъадабгъну. Гъит, ихь халкьдин арайиъ тярифназ лайикьлу хизанар, заан хъуркьуваларин кIакIариз удучIвру живанар артухъ ишри. Фицики дицдар вакилар хьуб вари табасаранлуйирин дамагъ ва даягъ ву. | |
| Просмотров: 933 | Загрузок: 0 | | |
| Всего комментариев: 0 | |