Главная » Файлы » "Табасарандин нурар" [ Добавить материал ]

Узуз ягъурлу йис
26.01.2013, 22:56




автор:Гъазимягьмад Шабалаев


  Ихь ватанагьли Камал Ханмягьямедовдиз  гьякьикьидира 2012-пи йис ягъурлу йис гъабхьну. Фицики гьаму йисан Камал иштирак гъахьи вари талитариъ дугъу гъалибвалар гъазанмиш гъапIну. Ккудубшу йисан спортдин дзюдойиан уйнамишар гъахбаъ Камал Ханмягьямедов Урусатдин чемпион гъахьну. Хъасин, дзюдойиан Бразилияйиъ кIули гъушу варидюн,яйин талитариъ Урусатдин командайин дахилнаъди иштирак духьну, дугъу дюн,яйин чемпионвалин ччвур гъазанмиш гъапIну. Мидин кьяляхъ думу дюн,яйин Кубок гъадабгъбан талитариъра гъалиб гъахьну. КНР-йин Циндао шагьриъ дзюдойиан гъубху Гран-прийиъ думу кемшрин медалин сагьиб гъахьну.

   Къайд дапIнайи ва жара хъуркьувалар Камали анжагъ ккудубшу йисан гъазанмиш гъапIдар ву. Дугъу гьевес капIу ихь миллетдин жигьил спортсменарин жергйир хъана яркьу хьиди.
   Камал Ханмягьямедовдин удукьувалари ва гьар уьлкейиъ гъазанмиш апIурайи хъуркьувалари ухьук дамагъ капIра. Дугъаз гележегдиъ хъана аьхю хъуркьувалар ккун апIурхьа.


 
Категория: "Табасарандин нурар" | Добавил: Admin
Просмотров: 683 | Загрузок: 0 | Рейтинг: 1.0/1
Всего комментариев: 0
avatar