| Главная » Файлы » "Табасарандин нурар" | [ Добавить материал ] |
Спортдин ягъли кIакIнаъ
| 21.02.2011, 11:29 | |
авторы: Алиева Феруза Гьацдар спортсменарикан сар Хив райондин Хирижв гъулан бай Имам Гюльмягьямедовра ву. Имам бицIиди амидира спортдиин машгъул шули гъахьну. Фицики дугъан адаш багъри гъулан спортдин мектебдиъ бажаранлу, машгьур тренер ву. Мектебдиъ асас аьгъювалар ва тербия гъадабгъбахъди сабси, думу Хив райондин бицIидаринна живанарин мектебдин Хирижв гъулаъ айи филиалиъ юкьяр дисбан секцияйиъ спортдиин машгъул гъахьну. Имамдин хъуркьуваларикан кIуруш, дидин сиягь хайлин ярхиб шула. Думу, 29 кг. гъагънан жюрейилан 69 кг. гъагънан жюрейиинакьан талитариъ иштираквал дапIну, 40-тIан гизаф ражари гъалиб духьна. Аьхиримжи йисари гъазанмиш гъапIу хъуркьуваларикан гъулхиш, Имамди улихьнаси Каспийск шагьрин Аь.Аьлиевдин ччвурнахъ хъайи спортдин Дараматдиъ гъушу талитариъ Дагъустан Республикайин чемпионвалин ччвур гъазанмиш гъапIну. Му хъуркьувалар гъадагъбаз лигну, дугъаз РД-йин спортдин Министерствойин терефнаан Диплом ва кьиматлу пешкеш тувну. Имам райондиъ ва районарин арайиъ гъушу талитариъ швнуб-сабан чемпион гъахьну. Спортдиъ гъазанмиш гъапIу дугъан сабпи хъуркьувалар чан тренер Маркс Гюлмягьямедовдихъди аьлакьалу ву. Физкультура ва спорт чан уьмрин мяна вуйивал гьисс дапIну, мектеб ккудубкIу жигьил ДГПУ-йин физкультурайин факультетдик урхуз кучIвну. Гьамусяаьтна сабпи курснаъ урхура. Имам аьхюр-бицIирин арайиъ гьюрмат айи, ляхниин юкIв али жигьил ву. Гележегдиъ дугъу хъанара аьхю хъуркьувалар гъазанмиш апIрубдиин инанмиш шулхьа. Гъит, жигьил спортсмендиз спортдин хъанара ягъли кIакIариз удучIвру мумкинвалар артухъ ишри. | |
| Просмотров: 927 | Загрузок: 0 | | |
| Всего комментариев: 0 | |