Главная » Файлы » "Табасарандин нурар" [ Добавить материал ]

Гъагъи атлетикайин кIакIнаъ
26.02.2013, 21:30

  Хив райондин Мажвгул гъулаъ Шагьвелед Мирзакеримовди регьбервал туврайи бицIидаринна живанарин спортдин мектебдиъ урхурайи баяр-шубари спортдин жюрбежюр жюрйириан заан хъуркьувалар улупура.
     Гъагъи атлетикайиан заан дережайиз удучIву жигьиларин жергейиъ 1997-пи йисан Хив райондин Мажвгул гъулаъ бабкан гъахьи Насир Наврузовра а.
2009-пи йисан Хив райондиъ гъагъи атлетикайиан кIули гъушу талитариъ 45 кило гъагъ айи жигьиларин арайиъ Н.Наврузовди кьюбпи йишв гъазанмиш гъапIну. Хъа 2012-пи йисан райондиъ гъагъи атлетикайиан кIули гъушу талитариъ 75 кило гъагъ айи жигьиларин арайиъ думу сабпи йишваз лайикьлу гъахьну. 
   Гъагъи атлетикайиан Избербаш шагьриъ гъушу республикайин талитариъ Хив райондин командайин дахилнаъди иштираквал дапIну, жигьил гъагъи атлетди кьюбпи йишв гъадабгъну.
   Хъуркьуваларихъди тебрик апIури, Насир Наврузовдиз гележегдиъра спортдин заан аьршар мютIюгъ апIувал ккун апIурхьа.

 

Аьлекбер Багъдаев,
Мажвгул гъул

 
Категория: "Табасарандин нурар" | Добавил: Admin
Просмотров: 972 | Загрузок: 0 | Рейтинг: 0.0/0
Всего комментариев: 0
ComForm">
avatar