Чемпионарин жергейиъ
автор:Алиева Феруза
Сагъламвал мюгькам апIбаъ
физкультурайина спортди аьхю роль уйнамиш апIуру. Гъийин девриъ вари
уьлкейиъ спорт артмиш апIбаз аьхю фикир тувра. Му жигьатнаан Хив
райондиъра хайлин дигиш,валар шула. Жигьилариз спортдиин машгъул хьуз
саб жерге шараитар яратмиш дапIна. Райондиъ спортдиин машгъул духьнайи
живанари гъадагъурайи хъуркьуваларра тярифназ лайикь ву. Жигьил
спортсменарин жергйир йигълан-йигъаз яркьу шула.
Табасаран халкьдин ад вари республикайиз машгьур гъапIу гьацдар кьягьяларикан сар Хив райондин Хив гъул,ан вуйи Шамиль Гьюсейновра ву. Шамиль Гьюсейнов Хиварин уьмуми кьялан мектебдин 7-пи классдиъ урхура. Асас аьгъювалар ва тербия гъадабгъбахъди сабси, му жигьил Хиварин бицIидаринна живанарин спортдин мектебдиъ гъагъи атлетикайиинра машгъул ву. Мугъу гъагъи атлетикайиан спортдин уйнамишар гъахбан ляхниъ заан тажруба айи, машгьур тренер Рамазан Назарялиевдин регьберваликкди аьгъювалар гъадагъура.
Шамиль Гьюсейновди гъагъи атлетикайиан райондин айитI, районарин арайиъ гъуху спортдин талитариъ швнуб-саб ражну пешкешнан йишвар гъазанмиш гъапIну. Му жигьил кьюб ражари Дагъустан Республикайин чемпион ччвурназ лайикьлу духьна. Хъа улихьнаси Шамиль Хасавюрт шагьриъ машгьур спортсмен Василий Алексеевдин гьюрматназ «Кавказдиз –дуствал, мясляаьт» лишниккди гъагъи атлетикайиан тешкил гъапIу вари Урусатдин талитариъ кьюбпи йишван сагьиб гъахьну. Дугъу 85 кг. гъагъ за гъапIну. Жигьил спортсмен Гьюрматнан грамотайиинди, медалиинди, кубокдиинди ва кьиматлу пешкешариинди лишанлу дапIна.
Къайд апIуз ккундузузки, Хив райондин спортдин хъуркьувалариъ тренер Рамазан Назарялиевдин зегьмет метлеблуб ву.
Ихь кIубан жигьилиз спортдин рякъюъ чан фикриъ айи метлебар тамам хьувал ккун апIидихьа.
Табасаран халкьдин ад вари республикайиз машгьур гъапIу гьацдар кьягьяларикан сар Хив райондин Хив гъул,ан вуйи Шамиль Гьюсейновра ву. Шамиль Гьюсейнов Хиварин уьмуми кьялан мектебдин 7-пи классдиъ урхура. Асас аьгъювалар ва тербия гъадабгъбахъди сабси, му жигьил Хиварин бицIидаринна живанарин спортдин мектебдиъ гъагъи атлетикайиинра машгъул ву. Мугъу гъагъи атлетикайиан спортдин уйнамишар гъахбан ляхниъ заан тажруба айи, машгьур тренер Рамазан Назарялиевдин регьберваликкди аьгъювалар гъадагъура.
Шамиль Гьюсейновди гъагъи атлетикайиан райондин айитI, районарин арайиъ гъуху спортдин талитариъ швнуб-саб ражну пешкешнан йишвар гъазанмиш гъапIну. Му жигьил кьюб ражари Дагъустан Республикайин чемпион ччвурназ лайикьлу духьна. Хъа улихьнаси Шамиль Хасавюрт шагьриъ машгьур спортсмен Василий Алексеевдин гьюрматназ «Кавказдиз –дуствал, мясляаьт» лишниккди гъагъи атлетикайиан тешкил гъапIу вари Урусатдин талитариъ кьюбпи йишван сагьиб гъахьну. Дугъу 85 кг. гъагъ за гъапIну. Жигьил спортсмен Гьюрматнан грамотайиинди, медалиинди, кубокдиинди ва кьиматлу пешкешариинди лишанлу дапIна.
Къайд апIуз ккундузузки, Хив райондин спортдин хъуркьувалариъ тренер Рамазан Назарялиевдин зегьмет метлеблуб ву.
Ихь кIубан жигьилиз спортдин рякъюъ чан фикриъ айи метлебар тамам хьувал ккун апIидихьа.