Главная » Файлы » "Табасарандин нурар" [ Добавить материал ]

Аьжайиб апIура
05.12.2010, 23:44
авторы:Гьяжимягьямед Гьяжиев 


 

Гьаму улихьнаси узу Табасаран райондин культурайин отделин заведующий Къ.Къазимягьямедовдихьна илтIикIнийза ва дугъу регьбервал туврайи отделиз алахьурайи читинваларикан, ляхнин гъуллугъчйирикан, дурари тамам апIурайи ляхникан сюгьбатар гъапIнийча. Думу, асас вуди, чан вазифйир тамам апIбаъ жюрбежюр терефариан тафавутлу шулайириинси, райондин культурайин Хулаъ гизаф йисари директорди лихурайи И.Ш.Исмяиловдиин дийигънийи.

- РДК-йин директор Исмяил Исмяилов чав тамам апIурайи ляхнихьна жавабдарвалиинди янашмиш шулу ва пишекарвалин заан устадвал айи гъуллугъчи ву, - гъапнийи Къ.Къазимягьямедовди, - культурайин ляхнин вари серенжемар дережайиъди тамам апIуру. РДК-йин багахь методикайин кабинет ляхник ка. Думу Исмяил Исмяиловдин жягьтлувалиинди тешкил дапIнайиб ву. Душваъ райондин клубарин коллективари тешкил апIру серенжемарин сценарйир дюзмиш ва тартиб апIуру, методикайин жюрбежюр кюмекар тувру, - давам гъапIнийи дугъу.

И.Исмяилов 1986-пи йисланмина Табасаран райондин культурайин отделиъ лихура.

Дугъаз тялукь образование а. Сифте Дербент шагьриъ ерлешмиш дубхьнайи музыкайин училищейиъ, хъа 1986-1991-пи йисари Краснодар шагьриъ культурайин институтдиъ гъурхну. Гъи думу культурайин цирклиъ тажрубалу пишекар ву. Табасаран райондиъ культурайин ва думу тарабгъбан ляхин жавабдарвалиинди ва натижалуди тамам апIура.

-И.Исмяиловди фольклорин фестивалар тешкил апIбаъ ва гъахбаъ аьхю зегьмет зигура, - ич сюгьбат давам гъапIнийи Къ.Къазимягьямедовди, - райондиъ гъягъру культурайин вари серенжемар дугъан регьберваликкди тамам шула.

ДумутIанна гъайри, жигьиларин арайиъ бажаранлудар агбаъ, аьхю зегьмет зигура. Думу «РД-йин культурайин лайикьлу гъуллугъчи» гьюрматлу ччвур тувбаз улупна.

Табасаран райондин администрацияйин главайин заместитель Аьбдулвагьаб Аьбдуловди Исмяил Исмяиловдикан гьамци кIура: «Табасаран райондин культурайин идарйирин гъуллугъчйирин арайиъ варитIан бажаранлударикан сар ву. Чан пишекарвалин вазифйир дугъу фици тамам апIураш, культурайин отделиъ увуз гъапуншул. Хъа узуз дугъан гьякьнаан жараси пуз ккундузуз. Исмяил Исмяилов урус шашкйир уйнамиш апIбаан Дагъустандиъ варитIан бажаранлу спортсменарикан сар ву. Му жюрейин спортдиъ дугъу заан хъуркьувалар гъазанмиш апIура: 12 ражну хусуси ва командайин зачетариъ урус шашкйир уйнамиш апIбаан Дагъустандин чемпион, дюн’яйин чемпионатдин зональный турин гъалибчи, дюн’яйин Х-пи чемпионатдин финалист гъахьну. Чан хъуркьувалариз лигну, дугъаз Варихалкьарин шашкйирин федерацияйи спортдин мастервалин дережа тувну.

Исмяил Исмяиловди, РД-йин шашкйирин федерацияйин жавабдар секретарвалин вазифйир тамам апIури, Дагъустандиъ урус шашкйир уйнамиш апIуб яркьуди тарабгъбан зиин жафа зигура. Табасаран райондиъси, РД-йин жара районариъ ва шагьрариъ урус шашкйирин талитар тешкил апIура. РД-йин шашкйир уйнамиш апIбан Федерацияйин президент Н.Ж.Шихмягьямедовдин регьберваликкди дугъу урус шашкйир уйнамиш апIбаан Дагъустандин чемпионат миржиб ражну Хючна гъулаъ гъубхну.




Категория: "Табасарандин нурар" | Добавил: Admin
Просмотров: 617 | Загрузок: 0 | Рейтинг: 0.0/0
Всего комментариев: 0
avatar