Главная » Файлы » "Табасарандин нурар" [ Добавить материал ]

«Арсран» Феликс
04.02.2011, 10:31


авторы:Алиева Феруза 

Улихьна вахтариси дарди, аьхиримжи йисари ихь спортсменари, эгьемиятлу талитариъ иштирак шули, спортдин жюрбежюр жюрйириан заан хъуркьувалар гъазанмиш апIбан дюшюшар йигълан-йигъаз артухъ шула. Дугъриданра, аьхиримжи вахтари ихь жигьилар спортдиъ хайлин улихьна душна. Дурари багъри районарин, республикайин, Урусатдин, Европайин ва Дюн’яйин чемпионвалин ччвурар гъазанмиш апIура. Ав, дурар ихь дамагъ ву. Гьацдар спортсменарикан сар Хив райондин ЗахитI гъулан бай Феликс Халибеговра ву. 
Хив райондин бицIидаринна живанарин мектебдиъ гъагъи атлетикайин секцияйиъ спортдиин машгъул гъахьи му жигьил спортсменди чан сабпи хъуркьувалар багъри райондиъ гъазанмиш апIуру. Дугъан тренер Замир Исаев вуйи. Хъасин Феликс райондиъ ва районарин арайиъ гъуху хайлин талитариъ чемпион гъахьну. Ккудушу йисари думу Нальчик шагьриъ гъуху талитариъ гъизилин медалин сагьиб, Москва шагьриъ гъуху талитариъ шубуб ражари чемпион гъахьну. Ккудубшу йисан Феликсди шубубпи ражну Урусатдин чемпионвалин ччвур гъазанмиш гъапIну, София шагьриъ гъуху талитариъ иштирак гъахьну. Хъа улихьна йигъари ихь жигьили гъагъи атлетикайиан Киприн Лимассоль шагьриъ гъушу Европайин талитариъ 62 кг. гъагъ айи штангистарин арайиъ арсран медаль гъазанмиш гъапIну. Гьамусяаьтна Феликс Москвайин спортсменар гьязур апIру Олимпийский мектебдин спортдин мастер ву. Дугъу ихь ватанагьли, вари халкьарин классдин мастер, Урусатдин лайикьлу тренер Максим Аьбдулмеджидовдин регьберваликкди гъагъи атлетикайиан гьязурвалар гъахура. Улихьна йигъари жигьил чемпион багъри гъулаъ шад гьялариъ кьабул гъапIну. Му шаду мажлиснаъ хайлин хялар, райондин улихь хьайидар иштирак гъахьну. 
Жигьил спортсмендиз гележегдиъра урхбан ва спортдин рякъюъ заан хъуркьувалар, мюгькам сагъвал ккун апIурхьа.

Категория: "Табасарандин нурар" | Добавил: Admin
Просмотров: 728 | Загрузок: 0 | Комментарии: 1 | Рейтинг: 0.0/0
Всего комментариев: 1
avatar
1 Челентано • 16:53, 05.02.2011
Феликс табасаран байун даш лезги?
avatar