Камал Ханмягьямедовдиз  гьякьикьидира 2012-пи йис ягъурлу йис гъабхьну. Фицики гьаму йисан Камал иштирак гъахьи вари талитариъ дугъу гъалибвалар гъазанмиш гъапIну. Ккудубшу йисан спортдин дзюдойиан уйнамишар гъахбаъ Камал Ханмягьямедов Урусатдин чемпион гъахьну. Хъасин, дзюдойиан Бразилияйиъ кIули гъушу варидюн,яйин талитариъ Урусатдин командайин дахилнаъди иштирак духьну, дугъу дюн,яйин чемпионвалин ччвур гъазанмиш гъапIну.

  Авгъустдин ваз вуйи. Сад йигъан экскурсовод мад,ярка Жаннайи дурар машгьур вуйи кюгьне деврин архитектурайин дараматдиз тамаша апIуз хъади гъушнийи. Думу католикарин килиса вуйи. Душваъ учIвруган, йирхьуб умбриъди жиликкна ис духьну ккундийи. Гьаддиз душваъ гьавайин гъагъивал гьисс шуйи. Экскурсантар душв’ан илдицну, шамар ургурайи алтарихьна гъягъюрайи.

   Майкоп шагьриъ 16-17 йисан яшнаъ айи живанарин арайиъ аьдати ушуйиан Урусатдин чемпионат кIули гъубшну. Думу талитариъ Урусатдин жюрбежюр регионариан 15 командайи иштираквал гъапIнийи, гьадму гьисабнаан 115 спортсмендикан ибарат вуйи Дагъустандин командайира иштираквал гъапIну, –мялум апIура думу талитариз Табасаран спортсменар хъади гъушу тренер Назим Гьяжиевди.

  Табасаран халкьдин бажаранлу жигьиларин арайиъ вари Урусатдиъ багъри Ватандин ад дабгъуз гъитрайи кьягьяларра а. Гъийин макьалайиъ узуз ихь халкьдин маракьар Урусатдин Ивановский областдиъ уьрхюрайи Аьгьмад ва Рамазан Мазановарикан улхуз ккундузуз. Аьгьмад ва Рамазан Мазановар лап бицIиди амиди чпин яркьу уьмриз рякъяр табигъ апIуз хъюгъну. Дурарин абйир-бабар Хив райондин ГъуштIил гъул,ан ву ва гьамусяаьтна Ивановский областдин Тейково шагьриъ яшамиш шула. Асас аьгъювалар ва тербия гъадабгъбалан савайи, кьюрид живанарра юкьяр дисбиин, самбойиин ва дзюдойиин машгъул ву. 

«Ич арайиъ гъябгъюрайи бокс гьамци ухди ккудубкIуру кIури фикир дайиз. Гьаз гъапиш учу кьюб вазлин арайиъ думу боксерин кичIихбариз, дугъан техникайиз, удукьувалариз, мумкинвалариз фикир туври гъахьунча. Думу саб ражарикьан я накаутдиъ, я накдаундиъ гъахьир дар. Гьаму себебариан, ич кичIихубра 5-6 раунддиз ярхи шулу кIури фикир апIурайча. Морис гизаф хъял кади кичIихрур, ужуйи гьязур духьнайир ву. Кьюб вазтIан артухъ улихьна дугъу узуз чахъди кичIихуз дих гъапIнийи. Учу, йикьрарин кагъзар ацIну, боксдиз гьязур хьуз хъюгъюнча. Бокс ккебгъайиз улихьна узуз дугъкан, дугъаз узкан вари мялуматар айчуз. Байармдиз уз,ин чан техникайиинди гъалибвал гъадабгъуз ккунди гъахьну. Хъа узу дугъаз къаршуди дийигъузра, гъалиб хьузра гьязур духьнайза», - ктибтура Мягьямед Аьбдусаламовди. 

  1954-пи йисан Уьсман халу Хив райондин АрхъитI гъулан ругариин ерлешмиш дубхьнайи кIару гъван адабгъру шахтназ лихуз гъягъюру. Амма му зегьмет жигьилиз лап гъагъиди алабхъури гъабхьну. Саб вазли зегьмет зигбахъан живан багъри гъулаз кьяляхъ гьаъру. Мялум вуйиси, думу вахтари гъулан мяишатдин циркил кьувватнаъ айи. Дидиз вари терефариан ужуб эгьемиятра айи. Думуган Уьсман Гъурбанов гализ марччариз гъуллугъ апIуз гъягъюру.

  Аьбдулрафик Исаевдин ччвур Дербент шагьрин жямяаьтлугъдин арайиъ машгьур ву. Му Дербент шагьрин кьялан уьмуми образованиейин 19-пи мектебдиъ технология предметдин мялимди лихура. Мугъу, хъуркьувалариинди ляхин апIбахъди сабси, чан дарсарин материал урхурайи баяр-шубарихьна заан ери ади рубкьбан, ужудар натижйир гъазанмиш апIбан цIийивалар агура. 

2008-пи йисан Надир Агъарягьимовичдиз, хъа 2010-пи йисан Фарида Мирзоевнайиз «РФ-йин уьмуми кьялан мектебдин гьюрматлу гъуллугъчи» ччвур тувна. ДумутIанна савайи, дурарин зегьмет Хив райондин администрацияйин ва республикайин образованиейин Министерствойин терефнаан Гьюрматнан грамотйириинди ва кьиматлу пешкешариинди лишанлу дапIна. Мициб кьимат дурариз гьавайиди тувнайиб дар. Гьелбетда, думу баяр-шубарихъди кIули гъабхурайи зегьметнан ва ляхниъ гъазанмиш гъапIу хъуркьуваларин натижа ву. Надир Агъарягьимовичди (35 йисан) ва Фарида Мирзоевнайи (33 йисан), мялимарди лихури, гъуландарин, ярар-дустарин арайиъ аьхю гьюрмат гъазанмиш дапIна.

Ислам кигбоксингдиан республикайин, Урусатдин варитIан кIубан спортсменарикан сар духьна. БицIи вахтнан арайиъ Исламди кикбоксингдиан Дагъустандин Кубок бадали гъуху талитариъ 5 ражари гъалибвал гъазанмиш гъапIнийи. Спортдин му жюрейиан 2010-пи йисан ЮФО-йин чемпионатдиъра думу сабпи йишван сагьиб гъахьну. Думу талитар Кисловодск шагьриъ кIули гъушнийи.