[ Новые сообщения · Участники · Правила форума · Поиск · RSS ]
  • Страница 1 из 2
  • 1
  • 2
  • »
Модератор форума: dashkkyar  
Форум » Разделы форума » Культура » ТАБАСАРАНСКИЕ НАРОДНЫЕ ПОСЛОВИЦЫ И ПОГОВОРКИ
ТАБАСАРАНСКИЕ НАРОДНЫЕ ПОСЛОВИЦЫ И ПОГОВОРКИ
МемчеринДата: Понедельник, 02.01.2012, 06:29 | Сообщение # 1
Группа: Хялар





ГАФ-Ч|АЛНАН ГЬЯКЬНААН

Уччву гафну гъван гъюрдли ап|ур.
Уччву гаф йиччвт|ан ширин шул.
Уччву гаф хуйизра к|ваинди гъубзур.
Уччву гафну бит| мукь'ан адап|ур.
Ужуб гаф к|ан ккайи жибдиъ, харжи гаф к|ан ккадру жибдиъ ип.
Гафарик хлинцар кашул к|ур.
Вахтниинди гъапи аьриф гаф хян абц|ну девлетт|ан багьади шул.
Гаф к|ван ачрар ву.

Гаф гафнахъна гъюр, нир-гъядухъна.
Гаф гафну хур, гъагъ - дажди.
Игитрин турт|ан, жямяаьтдин гаф гужлиб шул.
Халкьдин ч|ал я масу тувруб дар, я масу гъадабгъруб.
Гьяйван фурийиинди, инсан гафариинди гъахури шулу.
Ч|имри(стрела) жандиз зиян ап|ур, мелзну - к|ваз.
Дугъри гаф кьут|кьлиб шул.
Сумч|урна кьюб спилигъян гъядяп|у гаф сумч|урна кьюб аьламдиз аьгъю шул.
Сариз гъебхьуб агъзури дубгъуб мумкин ву.
Жямяаьтдин мелз сифсиб шул(яна гафар даргъуру).
Мелзналан мелзниина гъябгъюри, рубдикан хамхар гъабхьнийи, к|ур.
Мелзну йиччвра хуру, балара.
Даккни адмийин гаф агъуси шул(Сил адмийин гафар сиварт|ан гъагъиди шул).

Дагълар-гъарзар мик|лу, дуствал пис гафну ч|ур ап|ур.
Кьюр улхруган, шубурпир махьан.
К|урайир аькьюлсуз вушра, хъпекъурайир аькьюлу духьну ккун.
Узу дагъдикан улхураза, уву - дерейикан.
Харжи гаф адмийин к|ваъ ч|имирси абсур.
Ахмакъ адмийин муч|муч| гьарган абццну шул.
К|аж жикъиб, мяна ярхиб ужу шул.
Аькьюлсузрин юк|в мелзнаъ шул, аькьюллудин мелз - к|ваъ.
Гафари фун адрабц|ур.
Лазим дарди ушв т|ап|урин сппар ч|ат шул.
 
МемчеринДата: Понедельник, 02.01.2012, 09:29 | Сообщение # 2
Группа: Хялар





Лик ккут|убччвур гъудужвур, мелз ккут|убччвурихьан гъудужвуз даршул.
Лазим дару гафари к|ван дерд, шту бамбагси, гъагъи ап|ур.
Мелз айир гьяйвниин ал, гьяйван айир - шилди гъюра.
Кьут|кьли жвувак кьут|кьли гафар шул.
Кьяши мелзну фу вушра к|ур.
Гъерхькьан гафар дугъри даршул, жанаварт|ан дажи гужлиб даршул.
Ярхи гафназ - жикъи жаваб.
Улхрударик ккебгъуз аьгъюрт|ан, ккудубк|уз аьгъюр к|убнир шул.
Гафар дарап|рудар накьварик шул.
Гафну иццру дарап|руриз маргълира дарап|ур.
Ханжлин зиян сагъ шул, гафнан - даршул.
Гаф гарччилсиб ву ~ йивуру.

Кабаб(шашлык) ц|и убжур, игит гафну.
Рябгъру йицру лижаз зарар хур, пис мелз айири - жямяаьтдиз.
Ушвниъ мелз айиб аьгъюриз, ушвниъ сппар айибра аьгъяди ккун.
Яв пис ху хянаъ гъибт.
Мелзнаъ к|урбар адар - мелзну к|урбар уьрхюр.
Уьч|юбгъю ханжал гафну кьяляхъ ап|уру.
Кьяниди деънашра, дюзди йип.
Дюз гаф к|урур машназ лигур, куч|ал к|урур - ликариз.
Гамуш т|урнихьди дибт|уру, адми - гафариинди.
Хю дярягъру рягъни гъягърамар гизаф ап|ур.
Гизаф улхру адмийин аькьюл ц|иб шул.
Гизаф рябгъру хюндикк ц|ибт|ан никк даршул.
Ич|и челгин сес аьхюб шул.
Гажин гъюбгъю - шид удубзу.
Ярхи мелз айирин ляхнар жикъидар шул.
Гьялакди ругъ - хъуркьарва, гьялак дарди улх - дюз шалва.

Добавлено (02.01.2012, 09:29)
---------------------------------------------
Гъебццу гьаригъ йимиш даршул, буш гафарикан файда даршул.
Буш гафари хут|ил гужал дарап|ур.
Дугъан муч|муч|и т|ибхурайи жакьвра бисус.
Аьхю гафар к|улиз бала, ч|илли лаваш фуниз бала, эвкки йишв йигъаз бала, уччву швушв швуваз бала.
Гаф ухди гъапиринуб ву.
Кьялхъян гъапи гаф швякьрикк кубк|ур.
Гафнан ац|у йишвхьан, нирин ч|илли йишвкан кудуч|в.
Гъапи гаф арс вуш, пуз имбуб гъизил ву.

Пайиз гафнан эйси - уву, гъапихъантина яв эйси гаф шул.
Гаф дуч|вубкьну дап|ну ккун.
Хюндиккан ккудубзу никк хявраъ убзуз, ушвниан адап|у гаф кьяляхъ ап|уз даршул.
Сарди вуш, увуз лиг, сарди дарш - уву ап|ру гафариз.
К|ваина гъафиб к|ант|аригъян мап|ан.
Гафар дап|ну, фикир мап|ан, фикир дап|ну, гафар ап|ин.
Чан мелзну чаз къуйи ебккрур.
Деребцру шурпайи чан мелз убгрур.
Ушвниъ убцруб дябхъюру, мич|либ мани шулу.
Муч|муч| - ччилан, к|анччар жанаврин ву.
Мелз - жакьвлин, юк|в - бит|ран.
Дугъан ушвниан агъу ебчура.
Кьил ктру(кадри) гафар мап|ан.
Гафар вунив, дарш афрар (зарафат-шутка)
Аьгъю шлу касдиз, сабан гъапиш, ч|яаьн.
Аьхюрин гафар биц|ириз кьанди бакар гъахьну.

Ужур адми кьяниди деишра, дюзди улхур; кьяни адми, дюзди деишра, кьяниди улхур.
Ч|ал аьгъдруриз ч|ал улупуз шул, аькьюл адруриз аькьюл тувуз даршул.
Гъавриъ ахъруриз ишара ч|яаьн.
Кучлар малари дарап|ур, адмийири ап|ур.
Куч|лин манзил саб ч|иб шул.
Меъли куч|алт|ан, кьут|кьли гьякь ужу ву.
Дугъу куч|ал гъап|ну к|ури, ригъ асизди дяргъюр, нир - зиинади.

 
МиклухоДата: Воскресенье, 15.01.2012, 19:40 | Сообщение # 3
Группа: Хялар





Гашу хул'ан ут1уккур, гъяц1лишну хулаъ уржур - Голод из дома выгонит, нагота в дом загонит.
Девлетлуйина деллуйи фу вушра ап1ур - Богатый и сумашедший способны на всё.
Девлетлуйин даттлира муртйир ахьур - У богатого и петух снесёт яйца.
Бит1риин ихтибар дап1ну, думу гъят1нихъ хъибтуз даршул - Поверив змее, нельзя её за пазухой держать..
Гаш фунт1ан гъагъиб фук1ара даршул - Тяжелее голодного живота ничего не бывает.
Начт1ан, гаш гужлиб ву Голод страшнее стыда.
Гашвали душмандин къапу абгуз гъитру Голод гонит к воротам недруга..
 
МемчеринДата: Воскресенье, 05.02.2012, 22:24 | Сообщение # 4
Группа: Хялар





Мелз марччлин, к1анччар слин ву.
Ярхлаан хабар жанаварт1ан аьхюб шул.
Далдабуйин сес ярхлаан уччвуди ебхьур.
Гимихьна адабгъу лиъран шаламар даршул(мугъу мици, тугъу тици к1ури).
Гимихь куч1лин хабар хьадарди даршул.
Куч1ляхрин хулар гъургну - фужк1ара хъугъундар. biggrin
Куч1лар ап1ури вердиш вуйирихъ, дюзди к1уруганра, хътругъур.
Дугъу гьюл'ин хут1ил, къураматдиин гими хъап1арза, к1ура(тярифкар).
Ягъалди ч1игъар ап1биинди хал дивуз шуйиш, дажди саб шагьур дивну шлийи.
Душмандиз аьгъю дубхьну даккниб дустразра аьгъю мап1ан.
Гьарсарин улихь гьат1абццуз юк1в к1арк1ат1 дар.
Саб ч1ал ап1урит1ан, к1ван сабвал аш, ужу шул.
Кьюбан текрар ап1уз, ухьу рягъникк ккадархьа.
Думу женгнаъ мют1югъ гъахьну, сюгьбатнаъ-гъалиб.
Хуйикан улхруган, ху рякъюъ шул, к1ур.
Йиц гъубккунва - гъидикьра алдабхъ(к1ваин гъап1у жиниб бегьем ачухъ ап1ин).
Цалик хифар кахь-кадахь(гъапибди эсер дарап1рур.
Ибаъ кьил айи дажисир(ужуб сес адарди, ат1айиз мяълйир ап1рур).
Дюз гъапирин к1улиъ пакь.
Машнаъ к1урур - инсанарин, гъирагъдиъ к1урур Аллагьдин душман шул.
"Жан, жан" к1ури, жан магъадабгъан.
Думу жарарин мелзниинди улхура.
Дугъри гаф саб тярифт1ан артухъ ву.
Дугъри гафну рукь дабт1уру.
Саб дугъри гаф агъзур к1уч1алт1ан ужу шул.
Рякъюн гъядрар ихтилат ву.
Гафар баяри, афрар бабари ап1ур(зарафат).
Муч1муч1 гъюбхюри к1улра уьбхюр.
Пис гаф эйсийихьна кьяляхъ гъюр.
Ушвниан ут1убччвуб к1уллан йивур.
Жакьв гъямгъми, инсан гафну балайиъ итур.
Жвуван мелз - жвуван душман.
Сир ачухъ ап1рурихьан жямяаьт ярхла шул.
Гъябкъюб хъют1юбкь, дярябкъюб мак1ан.
Саб ч1уру ляхин гъап1урт1ан, гъапир ч1уруди рякъюр.
Даршлу йишвахь мубзан, гьярябгърушвахь мулхан.
Думу саб ушвниъ кьюб мелз айир ву(фендигар).
Думу адмийин гафнаъ кьюкь ахьрур ву(яна думу хътубт1рур дар).
Думу астар ккади улхрур ву(айгьамди).
"Гьамус" гъапибси, синдиъ шлур.
Зарафат дугъривалин чархачи ву.
Зарафатнан аба ич1ри, эгер дидик сац1ибкьан дюзвал ктарш.
Аьдатнаъ нач даршул, сюгьбатнаъ-ушв-ушв.
Гьякьнаъ гуч1 даршул, сюгьбатнаъ - нач.
Уьзурнаъ аьйиб даршул, зарафатнаъ - хъял.
Лазим дарди ушв абцциш, шид убч1ур.
Йигъан саб гаф деребхьиш, ибар даждинси ярхи шул.
Дилмажрихъан гафар дургъур, устадрихъан - ляхин.
К1ак1ариз ебхьри к1ури, кьаблиз ек1в йивура.
Цализ килибгри дупну, пичраз к1уру.
Марцариз гъапиш, цализ килибгур.
Швушваз килибгри к1ури, шураз к1уру.
Гиявриз килибгри к1ури, бализ к1уру.
Думу гъебхьу гаф дишла т1ублан илбижрур ву.
 
МемчеринДата: Понедельник, 06.02.2012, 11:36 | Сообщение # 5
Группа: Хялар





Думу пеълин кьац1кьац1(задняя часть) гъип1ур ву(сир уьбхюз даршлур).
Малланасрединди гъапну: "Жилирин гаф саб шул".
Сабан гаф тувну тамам дарап1убт1ан, варжбан гаф турувди, сабан тамам гъап1иш, ужу шул.
Гаф тувуз рягьят ву, тамам ап1уз - читин.
Аьшкьиз "сагъ ишри" пуб, ялхъанчийиз "арсвай" пуб иштагьнан ляхин ву
.
Хуйи жвуваз аьмпар гъап1убкьан, жвувура хуйиз аьмпар дарап1ур.
]Касибрин гаф швумран ц1асиб шул.
Касибрин мелз жикъиб шул.
Гизаф улхрурихьан ваъ, ч1алкьан дарк1рурихьан гуч1 ап1ин.
Узу дугъан гизаф гафар хъют1юкьюнза.
Аькьюлу адмийин гаф бат1рик ч1имирси кабсур(тясир ап1ур).
Дугъан к1ваъ айиб мелзниинра ал.
Шадлугънукан улхубра гьац1 шадвал ву.

Муч1муч1 саб ву, ибар - кьюб: сабан йип, кьюбан хъебехъ.
Улгьан тярифар ап1уру, кьялхъян - люкьнар.
Жилир кьяляхъ затра дулулхур.
Гафар гюрчегдар, аьмлар мурдалдар.
Бит1ран мелз айир.
К1ваин ал, мелзниинна гъюрадар.

Гизаф хуйир ап1рури гизаф куч1лар ап1ур.
Муртайиан удубч1вундар - хъюхъюдец1ар ап1ура.
Уву гаф дупну, уву мяаьлхъян.
Гафнан к1ул улупну, рижв мигьит1ибк1ан.
Муч1муч1ри гъюрар мидисан.
Ич1и хифари гъягърамар гизаф ап1ур.
Думу хуйси хъебгра.
Жибдиъ пул адарш, мелзниин йиччвра алдарнив?
Ц1иб йип - ужуди йип.
Гуч1бях улариинди, куч1лях гафариинди аьгъю шул.
Гизаф улхрури гизаф гъалат1ар ап1ур.
Ичкки убхърушвахь гъапи гафариз иб мутуван.
 
AdminДата: Понедельник, 06.02.2012, 17:20 | Сообщение # 6
Группа: Администраторы
Сообщений: 52
Статус: Оффлайн
Мемчерин, столько табасаранских пословиц и поговорок вместе!!! Чухсагъул увуз! respect

Admin
 
МемчеринДата: Вторник, 07.02.2012, 07:17 | Сообщение # 7
Группа: Хялар





Админ, у меня ещё много материала по данной теме и по мере возможности буду добавлять новые пословицы и поговорки нашего древнего, героического и скромного народа.
Конечно было бы хорошо если поговорки и пословицы на табасаранском языке сопровождались переводом на русском языке, но это процесс долгий и ответственный, этим должен заниматься только специалист,.
А так, просто упражнятся в переводе текста с табасаранского на русский может любой желающий, но результат будет некачественный.
Следует сказать, что при переводе текста, с родного языка на русский, смысль, вложенный в некоторые пословицы и поговорки невозможно передать в полном объёме, так как в русском языке нет таких понятий, оборотов речи как в табасаранском, например, часто употребляемая в разговорной речи табасаран поговорка, когда кто-то начинает нести всякую чепуху, бессмыслицу, ему говорят: Кьил кадру гафар мап1ан, перевод на русском будет звучить странно для нетабасаранцев: Без сольные слова не говори, думаю многие не поймут о чём речь.
 
МемчеринДата: Пятница, 24.02.2012, 16:46 | Сообщение # 8
Группа: Хялар





ЛЯХИН. ХАЙИР, ТЕМПЕЛВАЛ, ЗАРАР

Ният ужувлаз, сяаьт хайирназ.
Ляхнин ккебгъубра гьац1 ляхин ап1уб гьисаб ву.
Ярхи рякъра саб лик алдабгъбиинди ккебгъри.
Йиз гуч1 - шейт1низ, шейт1нин гуч1 - узуз.
Жилар балгуб ригъ ву, инсан балгруб - зегьмет.
Зегьмет бахтнан ачар ву.
Марцци зегьмет гьялал девлет ву.
Гьяракат ап1ин - берекет шул.
Гъул ккудубк1ишра, кесп к1удубк1руб дар.
Лихурайириз ахъю даршул.
Ляхин устадрин маш улупру гюзгю ву.
Сифте фикир, хъа ляхин ап1ин(Ляхин дап1ну, фикир мап1ан, фикир дап1ну, ляхин ап1ин).
Ляхин ап1айиз, аьхириз лиг.
Ужуб ляхнинра кьадар ужу шул.
Думу маларин юк1всир ву(ужур малдарикан).
Ац1у уль ккундуш, юкьвназ жафа тув, унт1аз амк1 адап1.
Балугъ(чич1и) ккунир мичли штуъ уч1вур.
Илдибгъру гъвандиин уртим дибрисур.
Кьюб гъван чиб-чиблан алдатури гъашиш, гъвандин хю хьнура шул, фук1ара дарап1иш, дарди гъузур.
Дабхъу гъвандиккан шид ккудрубч1ур.
Гизаф кеспар кайир гашди гъузур.
Гизаф лицрурин лик кьуршиъ абхъри аьдат ву.
Ебгу хъютлин ликриъ заз абсур.
Ляхин гъап1унза к1ури, думу ккудубк1ган йип.
Ляхнин улихь, гафнан кьяляхъ йихь.
Ип1баъ улихь, лихбаъ кьяляхъ махьан.
Мургужвуву ляхнин кьяляхъ йишв бисур, гьяйвни - рякъюн улихь йишв.
Ужуб гьяйвнинра лик ккут1убччвуб мумкин ву.
Ужуб гьяйвниз саб ражну гъирмаж улупиш, ч1яаьн.
Ужуб гьяйвниз артухъ аьлаф ккун.
Саб ляхнихъ хъюгъну даккун, хъюгъхъантина к1улиз дубхну ккун.
Нирихъна дурушди шалвар илдидибтур.
Лавшар, шиб абгну имиди, алахь.
Гъап1у ляхнихъ дарап1убдихьан хъубкьуз даршул.
Гъи ап1руб закуриз мигъибтан, рягънин нубат жарариз мутуван.
 
МемчеринДата: Пятница, 08.06.2012, 10:19 | Сообщение # 9
Группа: Хялар





Рягънихъ хъабхьруганна юк1в гьялак шул, хъярябгъруганра.

Рягънихъ хъайирин рягъ либхур, хътрурин - юк1в.

Рягънихъ хъабхьну имиди, рягъюр.

Йисаз дилигну, луфру муг ап1ур.

Лишникк ккадрабхъди, тюфенг диривур.(Гуриз дарфиди, тюфенг диривур.)

Йишвну гъап1убдиз йигъну, йигъну гъап1убдиз гъирагъдиан лиг.

Йишвну гъап1уб йигъну гъибихъубси шул.

Хябяхъдин хайирт1ан, гвач1ниндин зарар ужу шул(хябяхъдин ляхин хайирнан даршул к1уру гаф ву).

Хябяхъдин ашт1ан, гвач1ниндин ялав ужу шул.(Хябяхъдин уж'валт1ан, гвач1ниндин писвал ужу шул.)

Яв "закур" ккудубк1руб дар.

Либхру рукь'ин гандриж дибрисур.

Даахнайи аькьюллут1ан, лихурайи ахмакъ ужу шул.

Я кабаб дурубгри, я шиш дурубгри убж.

Ужур нежбер ахсрар ккивайиз хут1лиъ шул.

Гвач1нин ухди гъудужвур, вахтниинди ушв гьибтур, ухди шив гъап1ур швумал даршул.

Лихру адмийин хут1илра либхур, темпел адмийин хут1улра темпел шул.

Гъилибцубдин фун аьхю шул, дабхъубдин - к1ул(Яна гъилихурин фун абц1ур, дилихур гашу йик1ур).

Ляхни беден сагъ ап1ур.

Ляхин дарап1рур ухди кт1ерццур.

Нягьякь ляхин к1улиз дяргъюр.

Фук1ара дарап1ури, маш заиинади дахъурин ушвниъ Багъдатдиъра псинч1и к1ат1рам уьрхнийи, к1ур.

Даршлу ляхнин к1ул мибисан.

Гъюр рукарикк ккимиди, ц1иин йигьаг мииливан.

Даршлу гъагъ гъадабгъурин фун ктубч1вну.

Къайру(аьхълушну) рубдин гъюгъмиан деве адап1арза, гъапну к1ур.

Кьан гъап1иш, гъванди ч1ал дубгъур.

Закурин ашт1ан, гъийин лаваш ужу шул.

Закурин афарт1ан, гъийин лаваш ужу шул.(Закурин африхъ гъийин дук1ун аш тувуз даршул).

Закуриз ляхин мигъибтан, дяхин гъибт.

Хъасиндиз дипуб хъалхъам дубхьну гъябгъюр(Яна ч1ур шул).

Гвач1ниндин ляхнихъ лисхъандин хътрубкьур.

Кьанди гъап1у ляхни юк1в сикин дарап1ур.

Кьанди гъубзу хут1лиъ гъванар кудуч1ур.

Кьюрдну хуйи гъапну: "Хьад гъафиган, к1урбарин хал ап1урза".

Кьюрдну шид тувну к1ури, багъдиъ бегьер даршул.

Кьабирин дурци деринди хут1ил хъап1ур.

Багъ кивури йимишарра ит1ур.

Кьюр кьасабри(повар) гъап1у шурпа я кьилзиб шул, я минт1уб( албагуб даршул).

Жилири ап1ру шурпа кьанди убхьур(гьар ляхнин чан устад а).

"Завук т1уб куч" гъапну к1ури, даршул.

Жанаврарихьан гуч1рури чарвйир(марччар) дюрюрхюр.
 
БЕРГМАНДата: Суббота, 13.10.2012, 09:47 | Сообщение # 10
Группа: Хялар





Есть у табасаран интересная поговорка: "абц1у танхлиъ, гашу кьюл"- в полном амбаре, голодная мышка(крыса). Сейчась многие люди уподобились этим мышкам, крысам. Они с голодными желудками выходят в люди, на различные мероприятия, торжества в дорогих нарядах, на дорогих машинах, дабы казаться лучше чем они есть на самом деле, то есть пытаются, людям пустить пыль в глаза. И все разговоры тоже про деньги, богатство, сколько заработал, сколько денег потратил на какую-ту вещь и т.д. С такими людьми невозможно ни о чём говорить кроме как про деньги и вокруг деньги, потому что они зациклены на деньгах. Им наплевать на вокруг происходящее, пока его лично это не коснётся. Особенно много понтистов или понтовиков(как ещё их там) в Дагестане.
 
ejveriinДата: Вторник, 30.10.2012, 22:55 | Сообщение # 11
Группа: Проверенные
Сообщений: 262
Статус: Оффлайн
ГЬялаки нир гьюлиз хъудрукьур!!!!!!!!!!!!!!!!!!!!!!!! Ляфиз дилигну ликар ч!арг!!!!!!!!!!!! Нирихъна хъуркъаяз палтар илдмитан!!!!!!!!!!!!!!!!Рякъи айириз уьюлна пул къакъи даршул !!!!!!!!!!! КУЧ! ЛИН МАЗИЛ САБ Ч!ЕВ !!!!!!!!!!!!!Ряниг чувлар гаиб рянин ухшар , узу бадали к!ураиб дариз пну кьюлю
 
МемчеринДата: Четверг, 08.11.2012, 12:08 | Сообщение # 12
Группа: Хялар





Тепейиз сил удубч1виш, гъул ккадабхъур. -Если на гору свинья взойдёт - село пропало.

Хаинкриз хашв гъядябхъюр. -Жадному на чужое паук встретится.

Маллайи гули ип1дар, хъа ккабхъиш, галра гъибтдар. -Мулла лук не есть, а если найдёт, то и кожуру не оставит.

На похоронах, у мулл лицо горестное, а сердце радостное.

Дявди баяр ап1дар, дявди баяр йихуру -Война не рождает сыновей, а убивает.
 
ejveriinДата: Четверг, 08.11.2012, 17:54 | Сообщение # 13
Группа: Проверенные
Сообщений: 262
Статус: Оффлайн
Т1агърувал хулан дарувал,,,,,,,,,,,,,,,,,,,,,Гизаф деъну к1ури-----маччар ярхла аьгъуру,,,,,,,,,Нирихъ деъну шитдин кьадар,,,,,,,Яв хлари гъап1уб к1ан рюгьят жарадари гъап1уб хиларин рюгьят
 
ТАВАСПАРАНецДата: Вторник, 13.11.2012, 21:20 | Сообщение # 14
Группа: Пользователи
Сообщений: 106
Статус: Оффлайн
С детства помню эту, довольно поучительную, поговорку: Аьхю гафар кIулис бала, чIвякъю(чIилли) лаваш фунис бала surprised

Сообщение отредактировал ТАВАСПАРАНец - Вторник, 13.11.2012, 21:21
 
ejveriinДата: Воскресенье, 18.11.2012, 17:37 | Сообщение # 15
Группа: Проверенные
Сообщений: 262
Статус: Оффлайн
Кьякьяр ап!рура буюрмиш ап!рур гьич бизар даршул,,,,,,,,,,,,,,,,,,,,,,,,,,Датлин к1ул сабан алдап1труб ву,,,,,,,,,,,,,,,,

Сообщение отредактировал ejveriin - Понедельник, 19.11.2012, 17:49
 
Форум » Разделы форума » Культура » ТАБАСАРАНСКИЕ НАРОДНЫЕ ПОСЛОВИЦЫ И ПОГОВОРКИ
  • Страница 1 из 2
  • 1
  • 2
  • »
Поиск: