Главная » 2013 » Ноябрь » 25 » УВУ ГЪАБХУНВА ЙИЗ УЬМРИЗ БЕРЕКЕТ
21:35
УВУ ГЪАБХУНВА ЙИЗ УЬМРИЗ БЕРЕКЕТ
КЕРИМ АГЪАКЕРИМОВИЧ МАЛЛАЕВ

Уву гъабхунва йиз уьмриз берекет,
Ургуб хяд кадагъну тувунва завкан,
Уву ивунва йиз уьмриъ аьдалат,
Бахтнан кунц1 гъап1унва му йиз уьмрикан.

Ургуб хяд йиз, ургур велед - к1ван шадвал,
Шадвали ва бахтну ац1най ургуб юк1в.
Учву гъахуриз аьбкъинай акувал,
Аьбкъюз мигъитанай дугъаз бахтсуз ч1ук1в.

Валлагь, бабт1ан зина дюн яйиъ адар,
Велед бадали дурари жан дивру.
Бабарин к1ван манишин гьархну ккундар,
Уьмрин аьхириз жандиъ ялав гъитру.

Учву хядар - хъа ичв баб ву ук1у зав,
Чан хабаъ аъну учву дидиснайи.
Учву кюкйир, хъа ичв баб гюрчег гьалав,
Накьишарди гьалвин жил ин каънайи.

Баб багъ ву, хъа учву йимишдин гьарар,
Йимишарихъди арбаб ап1инай баб.
Кьаби хьиган бабар уьрхюб ву гьунар,
Думу ауз гьат1абццай ичв мани хаб.

Баб кюкю ву хьадукру адабшвнайи,
Хъа веледар ву гьадму кюкдин ц1абар.
Бабу веледдихъ уьмриъ дизигнайи
Зегьметнакан учвуз айк1ан зат хабар.
Категория: На табасаранском языке | Просмотров: 1260 | Добавил: Анжела
Всего комментариев: 0
ComForm">
avatar