Главная » 2012 » Ноябрь » 20 » УЬРДГАР
00:05
УЬРДГАР
Гюльмагомед Расулов

        Чвул гъафиси, хъана уьрдгар тIирхура,
        Гьялаквал кади, чпин мани уьлкйириз.
        Язухъ сесну узуз чпихъди гъач кIура,
        Дийигъназа, кIул за дапIну завариз.

        Зу учвухъди, ярхла юрдназ тIирхуйза,
        За дапIну хлинццар, багъри ватан дипну,
        Йиз сикинвал ичв багарихь абгуйза,
        Гъитну фикрар, жергейин кьялаъ духьну.

        Ягъал аьршдиз кIул за дапIну за шуйза,
        Инсанарин пашманвал жил’ин гъибтну.
        Завариан кIваз мани тай агуйза,
        Дагълар – сиварилан йиз ул илтIибкIну…

        ГъитIирхну уьрдгар кIуллан йиз саб дупну,
        ГъахьундайкIан мурар гъавриъ гафарин?
        Чпин дих имдар, пашманвалра кIваъ ипну,
        Уткан жерге дубгну кIакIнахъ дагъларин…

        Нубатнан чвул дуфну а йиз ватандиз.
        Уьрдгар гъюруш кIури, хул’ан удучIвза,
        Ккилигури йиз жергейиз ничхрарин,
        Умуд кади, кIул за дапIну, лигурза.
Категория: На табасаранском языке | Просмотров: 592 | Добавил:
Всего комментариев: 2
avatar
2 Перишка • 23:35, 29.10.2013
а вам нравится????
avatar
1 Перишка • 23:34, 29.10.2013
очень понравилось!!!! *^_^*
avatar