Главная » На табасаранском языке
« 1 2 3 4 »
Керим Агъакеримович Маллаев

Гъябгъюрава, йиз биц1и нир, гялакди,
Гъванарик кубк1ган шула яв гюрчег сес.
Гъубзуз шули адар увхьан сикинди,
Яв сеснура кап1ри а йиз к1вак гьевес.

Уьткем вуяв лап гюзгюси марцци шид,
К1ваз ширин ву яв к1урай гюрчег мяъли.
Йигьан уву рякъру духьназа шагьид,
Фукьан бахтлу йигьар тувунва уьмриз.

Дюзен нирхьан пуз шулдар явсиб мяъли,
К1вак гьевесра кап1уз шулдар увхьанси.
Дагълуйиринси ву явра гьялак юк1в,
Аллагьдикан увуз гъурубкьу пай - ч1ук1в.

Хъа язухъ ву эгер увук кубч1виш хъял,
Хъухърум-гугрум гъябгъруган т1урфнар дургъну.
Думуган агъдарвуз яв дуст, яв мягьял,
Дагълар-дерйир ап1ну селлер гъягюру.

Йиз биц1и нир, йиз к1ван шадвал, абадвал,
Йиз биц1и дерейин вуй аъхю девлет.
Яв гьарсаб ц1адли хури а акувал,
Артухъ ап1ури ихь арайиъ гьюрмат.
Категория: На табасаранском языке | Просмотров: 1212 | Добавил: Анжела | Дата: 25.11.2013 | Комментарии (0)

Гюльмагомед Расулов

        Чвул гъафиси, хъана уьрдгар тIирхура,
        Гьялаквал кади, чпин мани уьлкйириз.
        Язухъ сесну узуз чпихъди гъач кIура,
        Дийигъназа, кIул за дапIну завариз.

        Зу учвухъди, ярхла юрдназ тIирхуйза,
        За дапIну хлинццар, багъри ватан дипну,
        Йиз сикинвал ичв багарихь абгуйза,
        Гъитну фикрар, жергейин кьялаъ духьну.

        Ягъал аьршдиз кIул за дапIну за шуйза,
        Инсанарин пашманвал жил’ин гъибтну.
        Завариан кIваз мани тай агуйза,
        Дагълар – сиварилан йиз ул илтIибкIну…

        ГъитIирхну уьрдгар кIуллан йиз саб дупну,
        ГъахьундайкIан мурар гъавриъ гафарин?
        Чпин дих имдар, пашманвалра кIваъ ипну,
        Уткан жерге дубгну кIакIнахъ дагъларин…

        Нубатнан чвул дуфну а йиз ватандиз.
        Уьрдгар гъюруш кIури, хул’ан удучIвза,
        Ккилигури йиз жергейиз ничхрарин,
        Умуд кади, кIул за дапIну, лигурза.
Категория: На табасаранском языке | Просмотров: 970 | Дата: 20.11.2012 | Комментарии (2)

Ибрагьим Шагьмарданов

КIваин илмийиз, илмийиз
ЯгъчIвурна, садпи йисан хьад.
Хъа гьич кIаълан гъябгъюрин йиз
Думу хьадан хусуси дад.

Июндин къанна кьюд, элгьет,
КIюрд гъапIу йигъ цIюхъюм хьадкан,
Совет инсанарин, гьелбет,
Аьсрариъ гъябгъюрдар кIваълан.

Гьархру улихьдин мяълийир,
Мухриъ ахьру вардин кIулар.
Дургру марцци аьлхъбар-гьягьйир,
Нивгъарихьди ацIру улар.

Жилар гьязур шулу рягъюз,
Ватандин азадвал уьбхюз.
Гьятта бицIидарра гъулан
Сабпну аьхю шул му йигъан.

Саб вуйи варидарин мурад:
Ихь гъанлу душмнар апIуб рад.
Фашизмйиз гъабхьундар аьгъю
Ихь халкIдин кьуватнакан аьхю.

Халкь гъалиб гъахьну душмниин
Аьх дапIну чан вари аьзаб.
Фашизмйи чав кипу цIиин
Чануб гъабхьну гъубжу кабаб.

Гьаци шулу гьарсар душмниз,
Ният гъапIу цIийи дявдиз -
Му йиз Ватандин жаваб ву,
Хъа дустраз дидин юкIв шад ву.

КIваин илмийиз, илмийиз...
Ухьу гъибтнура ккун кIваин,
Сарун рякъ тутрувуз дявдиз,
Сарун дяви дархьуз жил`ин.
Категория: На табасаранском языке | Просмотров: 1099 | Добавил: Admin | Дата: 11.04.2012 | Комментарии (0)

Аьблюлгьюсей Кьасумов

Сифтейин сес яв ебхьуру,
Яв багъри хил дарман шулу,
Уву ширинди рякъюру,
Улариз акв туву, дада.

Дюн'яйиз шул гизаф девлет,
Заан шадвал, артухъ гьюрмат,
Амма дурар узуз, гьелбет,
УвутIан артухъ дар, дада.

Сифте гъахьи велед гъяркъган,
Сифте увуз "дада" пиган,
Узу сабпи лик алдабгъган,
Фукьан шад гъахьнийкIан, дада.

Фукьан йишвар гъяру нивкIсуз,
Дибрихъди вахт ипIуз, деуз,
Фукьан йисар гъюру уьрхюз,
Яв юкIв али велед, дада.

Гъашиш велед цIибкьан нахуш,
Уьл дирипIри жан гъабхьиш буш,
Фукьан дердер увуз шулуш,
Рягъюра гьарсариз, дада.
Категория: На табасаранском языке | Просмотров: 3305 | Добавил: Admin | Дата: 23.08.2011 | Комментарии (2)


Гьюсейн Аьбдурахманов

ЦIийи йису каъра унчIвик
Аьламатнан укIар, кIажар...
Ергура елкайин исикк
Ялхъниъ айи баяр-шубар.

Аьлхъюб, тамшир, шад зарафат...
Хъади афну Аяз аба,
Гьеле сариз аьгъдру кьисмат
Ивну, шишал хьади зурба.

Нежбрин кIваин ал чан ляхин...
Бегьерлуб йибхь жан ЦIийи йис!
Зат дарфиси булди дяхин
Абкъин ичIи шулай тахлиз.

Марччлихънизра метлеб ашул...
Фикрик ка, хил ккивну шархьликк...
Ужуб дубхьну марччарин дул,
Кьюб ччил хури гьарсаб маччли.

ТIумутIчийи кIура: "Яраб
Му ЦIийи йис шуйкIан гъяниб...
Ибшри тIумтIарин гьарсаб каб
АбцIуз шлусиб зурба сини".

Ич бабу кIура: "ЦIийи йис,
Йибхьа бала, хатIа хъадруб,
БицIир, аьхюр мирас-варис
Зат даршиси бахтлу апIруб".
Категория: На табасаранском языке | Просмотров: 1621 | Добавил: Admin | Дата: 22.07.2011 | Комментарии (1)