Главная » 2011 » Июль » 22 » ЦIийи йис
23:56
ЦIийи йис

Гьюсейн Аьбдурахманов

ЦIийи йису каъра унчIвик
Аьламатнан укIар, кIажар...
Ергура елкайин исикк
Ялхъниъ айи баяр-шубар.

Аьлхъюб, тамшир, шад зарафат...
Хъади афну Аяз аба,
Гьеле сариз аьгъдру кьисмат
Ивну, шишал хьади зурба.

Нежбрин кIваин ал чан ляхин...
Бегьерлуб йибхь жан ЦIийи йис!
Зат дарфиси булди дяхин
Абкъин ичIи шулай тахлиз.

Марччлихънизра метлеб ашул...
Фикрик ка, хил ккивну шархьликк...
Ужуб дубхьну марччарин дул,
Кьюб ччил хури гьарсаб маччли.

ТIумутIчийи кIура: "Яраб
Му ЦIийи йис шуйкIан гъяниб...
Ибшри тIумтIарин гьарсаб каб
АбцIуз шлусиб зурба сини".

Ич бабу кIура: "ЦIийи йис,
Йибхьа бала, хатIа хъадруб,
БицIир, аьхюр мирас-варис
Зат даршиси бахтлу апIруб".
Категория: На табасаранском языке | Просмотров: 881 | Добавил: Admin
Всего комментариев: 1
avatar
1 Бабаз • 20:11, 10.11.2011
Гьюсин даха шиир к!ван гьевесди алдабгъру хахсиб гъавну Аьхи чухсагъул
avatar